अप्पलचे नवीन आयपॅड २२ ऑक्टोबरला बाजारात

अप्पलच्या नवीन आयपॅडचे सादरीकरण २२ ऑक्टोबरला होणार आहे. हा कार्यक्रम सॅन फ्रान्सिस्को येथील "येर्बा ब्युएना सेंटर फॉर आर्ट्स" इथे सकाळी १० वाजता पासून सुरु होणार आहे. याविषयीची निमंत्रण पत्रिका अप्पलकडून प्रसार माध्यमाना आणि ब्लॉगर्सना देण्यात आली आहे. या पत्रिकेत   "We Still have a lot to cover" असे एक उत्कंठा वाढवणारे वाक्य आहे. हा कार्यक्रम फक्त खास निमंत्रीतासाठीच असणार आहे. या कार्यक्रमात आय पॅड ५ व आय पॅड मिनी २ या दोन मॉडेलचे सादरीकरण करण्यात येऊ शकते. 
आय पॅड ५ हा याआधीच्या आय पॅडपेक्षा आकाराने लहान व कमी जाडीचा असण्याची शक्यता आहे. आय पॅड मिनी २ मध्ये नवीन रेटीना डिस्प्ले असणार आहे.